ملحم بركات عن مي حريري:"لازم تستحي ..هالمرا.. هيدي غلطتي الكبيرة" !

kolalwatn
2014-03-09T17:29:11+03:00
فنون ونجوم
kolalwatn20 يناير 2012آخر تحديث : الأحد 9 مارس 2014 - 5:29 مساءً
ملحم بركات عن مي حريري:"لازم تستحي ..هالمرا.. هيدي غلطتي الكبيرة" !
كل الوطن

بيروت: وصف الموسيقار ملحم بركات حفل ليلة رأس السنة الذي احياه في الاردن بأنه “فظيه! كان في عندي 1042 شخص بالصالة” هي اهم صالة في الاردن بفندق “رويال” كانت ليلة فظيعة وقد فاجأتني”.

ولفت في حديث لمجلة “الشبكة” الى انه احيا الحفل خارج لبنان “لانه في لبنان صاير فينا انو جماعة “روتانا” بيحجزو كل الصالات بالاوتيلات وما بيخلولك صالة، وبيحجزو على سنتين ثلاثة، والاوتيلات شو بيهمن؟ بيهمن يأجرو. واذا بدك تشتغلي معهن، فعلى شروطهن هني، وبيحطولك تنين تلاتة معك، وانا بقدر اتحمل اشخاص كتار معي”.

واكّد ان معلوماته تقول ان “اهم الفنادق عندنا تمّ حجزها لسنتين او لثلاث او اربع سنوات”.

واين يغني ملحم بركات في لبنان، يردّ بأنه “ما في مطرح بغني فيه!” و”الله العظيم…عم بحكيكي جد، مش عم بمزح!”.

ولفت انه “اذا بدو يضل الوضع هيك الهيئة رح ضلّ غني برا”، مضيفاً انه “ايه ايه هيدي هيي معلوماتي مثبتة 100% برافو عليهن شاطرين!”


وعن عدم غنائه في حفلين في امسية واحدة، “لا لا ولا بعملها، ولا يمكن! شو بضحك على العالم؟”


وان كان السبب اخلاصه للجمهور، “طبعاً! الناس حضروا ليستمعوا اليّ، فلا يجوز ان اقتطع من وقتي واقسمه بين جمهورين”.


واذا اقفلت الابواب في مجهه ليلة رأس السنة، ولم يتلق عرضاً من الخارج، فكيف كان سيمضي تلك الليلة، اجاب “انا اتلقى سنوياً عروضاً من الخارج”.


واضاف “انا اذا ما اجاني حفلة بليلة رأس السنة بعتزل الفن ساعتها، وبقعد بالبيت. اذا براس السنة بدي اقعد بالبيت يعني خلصت انتهيت!”


ويقول ملحم بركات لجمهوره الذي سيحرم من حفلاته، “الله يساعدكم، مش بإيدي! من زمان سمعت سمعت عبدالوهاب يصرّح على الاذاعة: “حين تدخل التجارة الفن، قل على الفن السلام!” خلص! انتزع الفن، وشركات تبغى الربح من الفنان، وليس مهماً عندها نوعية الصوت، يهمها شاب يضع “الجيل” على شعره وبنت مهضومة تتغنّج…هذا ما يهمها”.


ولم يرد الموسيقار الاجابة عن احد “لا احد يستحق التحدّث عنه”.


وعن الفنانة مي حريري وتصريحاتها الاخيرة خلال برنامج sorry بس، قال “انا بحبش جيب سيرتها. سأليها هيي. ما بعرف!”، في اشارة الى عبارة “اكل الولد التفاحة”.


واضاف انه “بالنسبة الي لازم تستحي وتخجل وتحكي شي. المرا مفكرة حالها شي. يللا انا الحق عليّ. ماشي الحال هيدي كانت غلطتي الكبيرة!”

رابط مختصر

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.